Ministri Rrustem Berisha priti në takim udhëheqësen e Task Forcës ,,Ta pastrojmë Kosovën’’, Albena Reshitaj

Ministri i Ministrisë për Forcën e Sigurisë së Kosovës, z. Rrustem Berisha në prag të fillimit të aksionit gjithëkombëtar ,,Ta pastrojmë Kosovën’’ konfirmoi se do i bashkohet nesër kryeministrit të Qeverisë së Kosovës, zotëri Ramush Haradinaj, në ditën e fillimit të aksionit.

Kjo u tha sot, gjatë takimit, që ministri Rrustem Berisha zhvilloi në ministri, me zonjën Albena Reshitaj, udhëheqëse Task Forcës së Qeverisë për pastrimin e Kosovës.

Në takimin e ministrit Berisha dhe zonjës Reshitaj u bisedua edhe për bashkëpunimin, bashkërendimin dhe koordinimin ndërinstitucional të institucioneve dhe agjencive, nga ato qendrore deri në nivel lokal, e sidomos në bashkërendimin e aktiviteteve sa i përket gatishmërisë dhe përgatitjeve që ka zhvilluar Ministria për Forcën e Sigurisë së Kosovës, si pjesëmarrëse direkte në operacione pastrimi me kapacitetet e saja operacionale, me personel  dhe makineri  teknike.

Gjithashtu, ministri Berisha dhe zonja Reshitaj, biseduan edhe për ditën e fillimit të aksionit, që do të jetë data 15 shtator, duke filluar nga ora 10:00, dhe do të zgjasë deri më 15 dhjetor 2018.

Shtojmë se sot, Komandanti i FSK-së, gjenerallejtënant Rrahman Rama pas vendimit të ministrit Rrustem Berisha, ka urdhëruar të gjitha njësitë për angazhim sipas planit të përgatitur më parë.

 

Kalendari

  • H
  • M
  • M
  • E
  • P
  • Sh
  • D
     1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30