Orkestra e Forcës së Sigurisë së Kosovës performon në kazermën ,,Sultan Murat “ në Prizren

Forca e Sigurisë së Kosovës së bashku me udhëheqësit e kampit ushtarak turk, në kuadër  të bashkëpunimit me partnerët,  në kazermën  ,,Sultan Murat “ në Prizren,  kanë  realizuar  një aktivitet kulturor me Orkestrën Frymore të Forcës së Sigurisë të Kosovës për ushtarët dhe  oficerët e KFOR-it  turk që shërbejnë në Kosovë.

Për të përcjellë nga afër performancen ishin të pranishëm drejtori i Drejtorisë për Operacione në Ministrinë e Forcës së Sigurisë së Kosovës gjeneral brigade Zymer Halimi, komandanti i Regjimentit të Mbrojtjes Civile kolonel Shaip Haziri, mysafirë të shumtë, si ministri  Mahir Jagxhilar, njëherësh kryetar i Partisë Demokratike Turke të Kosovës, si dhe oficerë e ushtarë të KFOR-it turk me shërbim në Kosovë.

Nikoqiri i këtij organizimi, komandanti i kontingjentit turk në Kosovë, kolonel Mustafa Tavazar, gjatë fjalës së tij të mbajtur me këtë rast ndër tjera tha: “Falënderoj të gjithë të pranishmit për pjesëmarrje  dhe njëherësh dua të shpreh kënaqësinë time  për profesionalizmin e Orkestrës së FSK-së, e cila para pak javësh kishte performuar së bashku me Orkestrën nga Turqia në mjediset e Forcës së Sigurisë së Kosovës. Ne,  po atë ditë bëmë kërkesë tek ZVKOM i Forcave Tokësore gjeneral brigade Gëzim Hazrolli që të organizojmë një koncert këtu, në kazermën tonë, dhe kërkesa jonë u miratua nga ministri i FSK-së z. Haki Demolli, dhe tani jemi këtu që të përcjellim së bashku interpretimin e bukur të kësaj orkestre”.

Gjatë këtij koncerti,  ku  u luajtën vepra  dhe marshe të shumta si dhe u interpretuan këngë të bukura në gjuhën turke, të gjithë të pranishmit patën mundësi që të argëtohen dhe të shijojnë  interpretimin e tyre të mrekullueshëm nga  Orkestra Frymore  e Forcës së Sigurisë së Kosovës.

Në fund komandanti i kontingjentit  turk,  në shenjë falënderimi  ndau mirënjohje për Orkestrën e FSK-së.

Kalendari

  • H
  • M
  • M
  • E
  • P
  • Sh
  • D
 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

KOSOVO IN UNESCO